"حسن بلقيه" "سلطان بروناي"

 

إعداد وكتابة: أحمد مصطفي

ملك الذهب  واغني رجل في العالم الرجل اللى طبق عبارة "اتولد في فمه معلقه من ذهب"  حرفيا.

ثروته تفوق الخيال  اسطول من العربيات والطيارات المطلية بالدهب , مزرعته تفوق مساحة الدولة اللى بيحكمها .

"حسن بلقية"  او "سلطان بروناي"

السلطان اللى اذهلت حياته العالم كله , اسمه  "الحاج البلقية معز الدين ودولة"

اتولد في 15 يوليو سنه 1946 ، وهو السلطان الـ 29 لـ "سلطنة بروناي"  ، وهو الابن البكر للسلطان "سير الحاج عمر علي سيف الدين"

 

سير الحاج عمر علي سيف الدين 

تلقي تعليمه بشكل خاص ، والتحق بعد كده بـ "معهد فكتوريا" في "كوالالمبور ماليزيا" ، وبعدين التحق بـ "الاكاديمية الملكية العسكرية" في "انجلترا" .

سنه 1961 عينه "السلطان سير الحاج علي" وليا للعهد , وبعدها اتنازل عن الحكم لابنه "حسن بلقية" عشان يبقي "سلطان بروناي" , وده كان في 5 اكتوبر 1967 ، وتم تتويجه رسميا سلطان للبلاد في 1 اغسطس 1968 .

وعلي مدار 10 سنين كان والده هو اللى بيدير الحكم بشكل غير رسمي لحد وفاة امه سنه 1979 , اللى اثرت كتير اوي في السلطان "سير الحاج عمر" والد "حسن بليقة" , فقرر انه ينسحب نهائيا من الشئون العامة , عشان يتولي "السلطان حسن بلقية" الحكم بشكل رسمي .

بعد ما تولي الحكم اقام علاقات مع كل دول العالم ، كمان اتعرف عنه اهتمامه الشديد بشئون شعبه ورعاياه ، ودايما بيعمل علي انه يكسب حب ودعم شعبه ، وده اللى حاصل فعلا ، فكان بيقوم بجولاته كتير داخل السلطنة لكسب ودهم ، وكمان عشان يروج لنفسه بأنه حاكم ، وده كان تمهيد لمرحلة بيمهدلها كويس جدا عشان استقلال السلطنة عن بريطانيا .

فبدأ انه ينشأ بيروقراطية محلية , وبدأ يستبدل الموظفين البريطانيين بموظفين بروناويين , وحارب الفساد بشكل كبير .

وبعد استقلال بروناي سنه 1984 ، نصب "السلطان حسن بلقية" نفسه "رئيسا للوزراء" و"وزير الدفاع" و "وزير المالية" ده غير انه "ادميرال" شرفي في الاسطول البحري ,  و اطلق ما سمي بـ "ملكية المالاي المسلمة" , ونصب نفسه مدافع عن "الدين الاسلامي"

"سلطان بروناي"

حياة ملكية بامتياز:

واتجوز 4 مرات ، اولهم كانت "الملكة صالحة" اللى انجب منها ولي عهده "الامير المحتذي بالله بلقية" 

الملكة صالحة

, وزوجته التانية مابتظهرش كتير ومفيش اي معلومات عنها ، كمان كان متجوز من "الملكة مريم" لكنهم انفصلوا سنه 2003 , بعد فضيحه كبيره , جردها السلطان من كل القابها بعد 27 سنه من زواجهم ، انجبت ليه خلالهم 4 ابناء ، لكن بعد حادثة سرقة كبيرة حصلت في القصر اتهمت "الملكة مريم" خادمتها بانها سرقت مجوهراتها ، واتضح بعد التحقيقات بأن الملكة اتفقت مع الخادمة دي علي سرقة المجوهرات ، وده عشان تبيعها وتسدد ديونها من القمار في "لندن" , ورغم ان كلام الخادمة ماكنش ثابت لكن السلطان طلق زوجته

الملكة مريم وحارستها

 

 وبعدها اتجوز من "ازريناز مظهر حكيم" سنه 2005 ، اللى كانت اصغر منه ب 35 سنه  ، وهي كانت  مذيعة ماليزية  ، وكان حفل الزفاف في كوالالمبور في ماليزيا اسطوري بمعني الكلمة.

ازريناز مظهر حكيم

ويملك السلطان 5 اولاد ذكور و 6 بنات

وهو عايش حاليا في اكبر قصر في العالم واسمه "استانة نور الايمان"

 

"قصر استانة نور الايمان"

ثروة خيالية :

لما تسمع  اسم "السلطان حسن بلقية" او "سلطان بروناي" بيجي في بالنا علي طول الذهب والثورة ، فهو من اثري اثرياء العالم ، ده كان الاغني لفترة من الزمن ، وتم تصنيفة سنه 2008 علي انه اغني "ملوك العالم"  بثروة تقدر بـ 20 مليار دولار.

اما تفاصيل الثروة دي فانا هقولها بالتفصيل :

أبرز ممتلكات "السلطان حسن بلقية" هو "قصر استانه نور الايمان" اكبر قصر سكني في العالم ، اللى  يعتبر المقر الرسمي للسلطان ، وكمان مقر لحكومته ، وتبلغ مساحته 200 الف متر مربع ، وبيحتوي علي 1788 غرفة , و 257 حمام ، وقاعة مأدب بتتسع لـ5000 ضيف ، وكمان فيه مسجد كبير ، وجراج بيتسع لـ 100 عربية ، واسطبل مكيف بيكفي لـ 200 حصان ، وكمان القصر فيه 5 حمامات سباحة صممهم  "المهندس المعماري" "الفلبيني" " لينادرو لوكسين" ، واشتغلت البريطانية  هوان شنو علي تصمايم حمامات السباحة من الداخل ، وتم انشاء القصر بمعرفة شركة المقاولات العالمية "ايلا" ، وتم بناء القصر سنه 1984 ، بتكلفة تجاوزت 1.5 مليار دولار .

"قصر استانة النور والايمان"

"قصر استانة النور والايمان"

"قصر استانة النور والايمان"

"قصر استانة النور والايمان"

"قصر استانة النور والايمان"

ومش القصر العجيب ده نهاية الحكاية لا ده فيه كمان اسطول عربياته , اللي بتقدر ب 4مليار استرليني ، لدرجة ان فيه ناس قارنت سعر عربياته بقيمة "نادي مانشستر يونايتد" اللى بتتقدر قيمته ب 3مليار جنيه استرليني.

ومن ضمن الاسطول ده فيه التالي:

600 عربية مرسيدس، وتم تخصيص قسم كامل من حظيرة الطيارات الخاصة بيه عشان يخزن فيها اكثر عربيات مرسيدس تميز وندرة ، زي مرسيدس SC Torien ،  اللى اتعملت مخصوص ليه هو بس , وعربية مرسيدس بينز المرصعة بالالماس , ده غير عربية مرسيدس مطلية بالدهب .

 

و600 عربية "رولز رويس"  ده غير عربيات الفيراري والمكلارين المصنوعة ليه مخصوص .

كمان عنده اسطول من الطيارات :

 وخصوصا طيارته الخاصة اللى بتعتبر من العجائب في العالم ، واطلق عليها "القصر الطائر" ، وهي طيارة من طراز بوينج 447 ،  اللى تبلغ تكلفتها النهاردة ب 300 مليون دولار ، اللي دفع السلطان وقتها 400 مليون عشان تتصنع و 120 مليون دولار عشان يأسسها من جوا .

لانه قام بطلاء كل حاجه جواها بالدهب والكريستال ، ومن الاضافات اللى حطها كان الحمام والبانيو اللى من الدهب الخالص ، وغرفة طعام رسمية مع ادوات للاكل مخصصة ، وقاعة مؤتمرات مجهزة بالكامل ، الكلام ده جوا الطيارة ، ده غير 6 طيارات هليكوبتر لزوم الروشنه بس .

طائرة "سلطان بروناي"

طائرة"سلطان بروناي"

"طائرة سلطان بروناي"

"طائرة سلطان بروناي"

"سلطنة بروناي" :

بتتمتع  "سلطنة بروناي" بأنها من اكتر الدول في مستويات المعيشة في العالم , وده بسبب احتياطتها الكبيرة من النفط والغاز , وبيتمتع شعبها اللى بينتمي لـ "عرقية المالاي" بمميزات كبيرة اوي بتسخرها الدولة ليهم ، فالشعب هناك مابيدفعش ضرايب ، وبيتخصص قطع الاراضي والمساكن للمستحقين من الشعب ، وده اضافة الى التعليم المجاني في جميع المراحل التعليمية بالكامل .

وهنا سؤالي : هل سمعت عن بروناي او سلطانها قبل كده ؟