حقيقة مثلث برمودا

 

مثلث برمودا - أكذوبة حوادث الإختفاء - منطقة ملاحية عادية جدًا .

قبل كده كنت كتبت بوست عن حوادث في مثلث برمودا

وعرضت وجهات النظر إللي بترجح وبتأيد، لكن في البوست

ده هتكلم عن مثلث برمودا الأكذوبة .

هل هو عرش الشيطان ؟

هل بهِ جزيرة الدجال ؟

هل هو بُعد لزمان آخر ؟

هل أغروهُ ؟

هل هددوهُ ؟

بلاش هزار ونخش في الموضوع على طول .

مثلث برمودا - مثلث الشيطان زي ما في ناس بتطلق عليه،

منطقة جغرافية على شكل مثلث متساوي الأضلاع كل ضلع

حوالي 1500ك/م وبيقع في المحيط الأطلسي ومساحته

حوالي مليون كم² .ويقع بين مجموعة جزر برمودا،

وبورتوريكو، وفورت لودرديل - فلوريدا .

المكان أكتسب سمعته الزفت دي من الحوادث والكُتب

والمقالات إللي أتنشرت عن خُزعبالية المكان لكن طلّع إن

الحوادث إللي هناك طبيعية جدًا وبتحصل ومشابهه لباقي

مناطق المحيط .

بل مؤخرًا كمان في سفن أبحرت في مثلث برمودا بدون أيّ حادثة والدنيا كانت زي الفل .

في البداية ذاع صيت مثلث برمودا وقت الحادثة إللي حصلت عام 1945 لسرب

طائرات الرحلة Flight 19- 19 بقيادة الملازم تشارلز تايلور،

في الحادثة دي أختفت 4 طائرات بجانب أختفاء 14 رجل

في منطقة المثلث .

طب إيه إنت بتأكد الكلام ولا إيه ؟!

لا . . الحكاية حصلت أمّا أم الطيار تشارلز قالت إن الطائرات أختفت .

وإنتي عرفتي إزاي يا حجة ؟!

أم تشارلز أستغلت فرصة إن الطائرات أختفت تمامًا ومش

بنلُهم آثر فقالت كده عشان مش تنسب الخطأ لإبنها الطيار

إللي كان لهُ شنه ورنّه .

وبدل ما تقول إن إبنها تشارلز أخطأ في تحديد طرق الملاحة

والإتجاهات والبوصلة قالت إن في حاجات غريبة حصلت

خلّت الطائرات تختفي !

حوالي 170 حادثة أختفاء فعلًا حصلت في المنطقة لكن ده

مش سبب كافي لإن المنطقة كبيرة ويبعدي عليها سفن

وطائرات كتير وعرضه إن يكون فيها حوادث بالشكل ده غير

إن أساسًا معظم إن مكنش كل الحوادث إللي حصلت كانت

بسبب يا سوء الطقس والعواصف الشديدة والتقلبات المناخية إللي بتمتاز بيها المنطقة أو بسبب أعطال فنية أو تقنية .

في بحث عمله الكاتب لاري كوش ولارى طيار مدني أمريكي

كتب كتاب أسمه لغز مثلث برمودا قد حُل The Bermuda Triangle Mystery – Solved وفيها بيعرض لاري إن

بسبب كثرة مرور الملاحة في منطقة مثلث برمودا كان من المنطقي

والطبيعي جدًا يحصل حوادث زي باقي المناطق الملاحية سواء برًا أو بحرًا .

كمان الكاتب ذكر إن في حوادث أساسًا أتلفقت لمثلث برمودا

وهي مش تعني حاجة عن المنطقة زي مثلًا حادثة سفينة

بريطانية أسمها ماري سيلستي - Mary Celeste إللي لقوها

بعد كده في البرتغال .

ده غير حادثة أختفاء متسابق في سباق حول العالم لليخت

أسمه دونالد كروهورست إللي أخفتى وفي الأخر طلع إن

الراجل مش عدى أساسًا من منطقة مثلث برمودا .

كوش أكتشف كمان إن الصُحف والمجالات إللي كتبت في

الموضوع ده بيلبسوا المنطقة حوادث مش حصلت فيها من

الأساس وده لجذب الأثارة والتشويق وأرثاء الغموض في

المنطقة، يعني حتى لو سفينة أبحرت في منطقة ثانية

وأختفت يقولوا إنها عدت من على مثلث برمودا وده سبب

الأختفاء .

مش بس كده .

كمان في أبحاث قالت إن منطقة مثلث برمودا فيها زيادة في

تصاعد غاز الميثان إللي قادر يقلل كثافة الماء بشكل كبير،

ويقدر من خلال تقليل كثافة الماء غرق السفن لو مرت وقت الحدوث .

كمان العلماء توصّلوا إن الغيوم السداسية بتخلق رياح تبلغ

سرعتها 106 ك/ع وإللي بدورها بتكون القنابل الهوائية - Air Bomns اللي قادره أنها تعمل أنفجارات كبيرة جدًا قادرة تغرق بيها السفن وتحطم

الطائرات .

وقال العلماء إن هذه الغيوم السداسية تخلق رياحا تبلغ

سرعتها 106 كيلومترات في الساعة والتي تُكوّن ما تسمى

بـ"القنابل الهوائية"(air bombs) التي تغرق السفن وتسقط الطائرات

وكمان كان هناك أخطاء بشرية أدت لفقدان سفينة زي SS V.A Fogg عام 1972 لنقص التدريب المناسب للتخلص من مخلفات البنزين .

العواصف الإستوائية والأمواج المدمرة كانت سبب زي ما

واحدة من القصص تعود ليخت رجل الأعمال هارفي كونوفر

إللي أخفتى أما صمم يبحر إلى فلوريدا أثناء عاصفة شديدة

في يناير 1951 .

كل الأسباب دي منطقية زيها زي القراصنة إللي كانت بتخطف

سفن وتتخلص منها في أوقات كتير . . القرصنة انتشرت في

البحر الكاريبي ما بين 1560 و1760، وأشهر القراصنة كان

إدوارد تيش - صاحب اللحية السوداء - فمرجح إنهم يخطفوا

سفن كتير .

في البداية أرتبطت الأحداث بتفسيرات غير طبيعية كان أشهرها .

إن مثلث برمودا يقبع تحت مدينة أطلانطس وده بسبب إنهم

عثروا على صخور في المنطقة تعود للقارة الغارقة ضمن

إحداثياات مثلث برمودا .

الكائنات الفضائية كانت لغز محير وكان بيدعى البعض إنهم

كانوا بيخطفوا السفن والطائرات !

وتفسير غير طبيعي آخر بيقول أن المهدي المنتظر مقيم في

برمودا مع أهل بيته .

وشوية حوادث كان ملهاش تفسير حسب الكاتب تشارلز

بيرليتز كاتب العديد من الكُتب عن مثلث برمودا .

أما حديث تميم الداري عن إنهُ شاف المسيح الدجال في

جزيرة كلامه كان بيدل على إن الجزيرة دي في منطقة

الجزيرة العربية وده بينفي إن الحديث يكون مرتبط بمثلث

برمودا بسبب بعده .