أشهر واغرب متاحف الرعب حول العالم

 

إعداد وكتابة : أحمد مصطفي

اغلبنا بنحب نزول المتاحف عشان نشوف الفن والاثار والقطع الاثريه الفريده ونزود معلومتنا

لكن المتاحف اللى هتكلم عنها مختلفه كليا عن المتاحف اللى احنا نعرفها ، مش هتكون عشان انك تعرف اكتر وتزيد معرفتك لا دي معمولة عشان ترعبك وتخوفك , فا جمد قلبك وحضر نفسك لجولة في اكثر المتاحف رعبا وغرابة.

المتاحف دي منتشرة في اغلب دول العالم ومن اشهرها .

1: متحف زاك باغنس

متحف زاك باغينس

متحف زاك باجنس من اشهر المتحاف في لاس فيجاس ، بيزور المتحف الالاف سنويا عشان يتجولوا في الغرف الموجوده فيه اللى كلها مليانه بالحكايات المرعبه والحقيقية .

وكمان بيتم فيها تصوير اغلب افلام الرعب لدرجة ان زاك باجنس مالك المتحف صرف مبالغ رهيبه علشان يشتري مقتنيات المجرمين ومقتنيات مسكونه عشان يضمها للمتحف بتاعه

حتي نضارة السفاح تيد باندي الحقيقية اللى استعملها عشان يخدع الشرطة اشتراها وضمها للمتحف بتاعه .

السفاح تيد باندي

لكن المتحف ليه قواعد لازم توافق عليها الاول تعالوا نعرفها . 

اولا قبل دخولك المتحف بتاخد ورقه وتوقع عليها بأن المتحف غير مسؤول عن اي حاجه هتحصلك

داخل المتحف زي حالات الاغماء او اي اصابات او حتي الوفاه .

بعد توقيعك هتبدأ بالتجول عشان تشوف اشهر المقتنيات في المتحف واللى هيلفت انتباهك .

كرسي محطوط خلف حائط زجاجي ومش مسموح ليك انك تلمسه او تفتح الازاز ، ده كرسي الشيطان .
الكرسي ده ملك "اد ولورين وارين" الشخصيات الحقيقية اللى اتعمل عليها سلسلة افلام الرعب ( كونجورينج وانابيل ) .

كرسي الشيطان

و قصة الكرسي ده انه في واحده من جلسات طرد الارواح اللي بيقوم بيها ايد وزوجته لطرد روح شريرة من جسد طفل اسمه دايفد  وكان معاهم اتنين من رجال الكنيسه وكان ابن عم ديفيد واقف وراه بدأ ابن عم ديفيد يستفز الروح بعبارات زي جبان ولما لا تاتي الي انا واستفزازات تانيه

وبالفعل خرجت الروح من ديفيد وانتقلت لجسد ابن عمه وبعدها بدأ يرتكب جرائم كتير

أد ولورين بيقولوا بانهم شافوا الروح جالسه علي الكرسي وان الكرسي بدأ يهتز للحظة قبل ماتنتقل لابن عم الطفل

وممكن تسال ليه ممنوع لمس الكرسي

هقولك ليه لما زاك باجنس اشتري الكرسي بعت عامل عشان ينقله للمتحف

العامل ده من وقتها بدأ يشوف كوابيس سيئه جدا لدرجة ان زاك حاول يعالجه اكتر من مرة عن طريق العلاج النفسي

ومن وقتها قرر زاك ان ممنوع اي شخص يلمس الكرسي ده  
ده مش كده وبس دانت لما تقف قدام الكرسي هيشتغل صوت تسجيل حقيقي للطفل دافيد وهو بيصرخ وقت ماكان اد ولورين ورجال الكنيسه بيحاول اخراج الروح الشريرة منه .

لما تخرج من الغرفه الموجود بيها الكرسي هتدخل غرفه اسمها "غرفة الطقوس"

غرفة الطقوس

الغرفة دي تشبه الكنايس والأماكن التي بتم بها الطقوس وبها هيكلين عظيميين، من الوهلة الأولى هتفتكر انهم مزيفين ولكنهم هيكلين شخصين حقيقين كان بيتم ممارسة طقوس شيطانية عليهم قبل موتهم.

وتم العثور عليهم في منطقه بنيويورك يقال انها خاصه بالسحرة والمشعوذين .

 

بعد ماتخرج من غرفه الطقوس وتبدأ تتجول في الممرات المتعرجه هتدخل غرفه سريه وهتشوف قايمة بالافلام اللى اتصورت فيها

بعدها هتدخل غرفه مظلمة جدا وفيها مرايه قديمة متغطيه بلحاف اسود
المرايه دي بتعود لممثل قديم كان قام بدور "دراكولا" كتير

الممثل ده كان مهووس بالسفر عبر الزمن فكان بيستخدم طقوس غريبه علي المرايه عشان تكون بوابه يسافر بيها للزمن

بعد موت الممثل جه شخص واجر البيت ولاحظ المستأجر الجديد ان اي مكان تتحط فيه المرايه بتحصل فيه امور مرعبه فقرر انه يسيب البيت .

المرايا المقصودة

وجه مستأجر تاني لكن المستأجر ده كان مهتم بالمرايه بدرجه غريبة

كان بيفضل واقف قدامها كتير اوي في النهاية وجدوا جثته مقتول بطريقه بشعه ومحدش عرف مين القاتل

وبدل مايتم التخلص من المرايه قررت بنت المجني عليه انها تحطها في الحمام وبعد ماحطتها دخلت تستحمي حست بأيد بتخنقها وقدرت انها تهرب لكن علامات الخنق كانت مازالت موجوده علي رقبتها

ولما عرف زاك قصة المرايه قرر يضمها لمتحفه.

السؤال هو هل هناك حوادث حقيقية كالإغماء أو نوبات الهلع تحدث بين الزوار؟ .. نعم وكلها
مسجلة بكاميرات المراقبه داخل المتحف.
زاك بيقول قصه حصلت لشاب وصديقته كانوا بيزوروا المتحف

الشاب كان بيستهزأ بكل شيء في المتحف ولما دخل غرفه المرايه فضل يستهزأ بيها فجأة الشاب بص لصديقته واغمي عليه ولما حاولت صديقته انها تفوقه حست بأيد بتخنقها وبعد ثواني الايد تركتها لكنها كانت سايبه علامات عليها.

ولسه مكملين في "متحف زاك باغنس" وهنقابل "الدمية بيجي"

دمية بيجي

في ممر من الممرات هتدخل غرفه مليانه بالدمي والعرايس منهم دميه صغيره بشعر اشقر وعيون زرقا

شكلها لطيف جدا بفستان ابيض اسمها بيجي

لكن اوعي يغرك مظهرها البريء لانها مش زي اي دميه دي ممسوسه
بيجي دميه ملعونة زيها زي انابيل

بتبدأ حكايه بيجي مع المحقق جين هاريس المتخصص في الظواهر الخارقه وبيمتلك منظمة كامله للدمي

هاريس بيقول ان الدميه دي كانت بتملكها واحده ست جابتها ليه بعد ماحصلت حوادث كتير في بيتها بسببها

لدرجة انها اصيبت بامراض بدون اي سبب وكوابيس مستمرة لدرجه انها استعانت بالكنيسه بدون نتيجه
بعدها عرف الجميع ان الدميه بيجي ممسوسه بروح سيده اتولدت عام 1964 في لندن وماتت نتيجه مرض في الصدر

علي حسب كلام زاك ان الدميه بيجي بتحب الاحترام بمعني انك لازم اول ماتدخل تحييها وتودعها وانت خارج

او انك هتهلك ده علي حسب كلام زاك

اه بالمناسبه زاك بيقول انك لو نظرت ليها لمده طويله هتصاب بالصداع والدوار والاغماء او حتي سكته قلبيه
واحده بتحكي انها شافت صورة بيجي لمدة طويلة فبتقول انها بقت تجيلها في اعلامها لدرجه انها اخبرتها ان قطتها هتموت وبالفعل القطة ماتت في نفس اليوم

سيدة طلعت قالت انها اصيبت بنوبه قليبه في نفس اليوم اللى شافت فيه بيجي واهانتها

ده غير الاشخاص اللى هواتفهم اتعطلت لما خدوا صورة ليها  
لو كنت بتاخد جولة في غرف المتحف وبدأ تنزف او تحس ان فيه حد بيراقبك فامتقلقش لانك مش لوحدك  لان كل العمال اللى في المتحف حصلهم كده

لدرجة ان اتكتب تحذير علي باب كل غرفه باللي هتشعر بيه في كل غرفه
القائمة لا زالت مستمرة فأينما تحط قدمك أيها القارئ ستجد شيء جديد وقصة جديدة

2 - متحف الموت

متحف الموت 

كل شيء يتعلق بالموت موجود في المتحف و وتقدر تدخل معاك  طفل صغير فهو مسموح له بالدخول!..

لان شعار المتحف هو " كلنا سنموت"

موجود فهوليوود واللى انشأه هوالدكتور هيلي و كاثرين شولتز بغرض طبي.. كان المتحف بالبداية إستديو كبير تُسجل فيه أعرق الأغاني الأمريكية بعدها تم إختياره ليكون متحف.

جواه هتلافي توابيت لأطفال ورسائل لأشهر السفاحين حول العالم، وتستطيع رؤية مشاهد تصويرية للجرائم وعمليات الإعدام، وهتلاقي  هياكل عظمية وجماجم وشرح مفصل عن الجثث وكيفية تشريحها، كمان فيه طابق مخصص لحيوانات حقيقية محنطة.

غرف المتحف تشبه المقابر.. التجول هناك يتطلب منك شجاعة عشان تشوف معروضات عن آكلي لحوم البشر وكيفية إرتكاب القتلة لجرائمهم وصور ضحاياهم وعرض لأفلام عن الموت تعلق عليها واحده صوتها مخيف كمان هتلاقي صور لأشكال جثث بعض المشاهير مثل : مارلين مونرو وجون كنيدي

3 - متحف الأمراض العقلية

على ما يبدو فإن المرضى النفسيين كانوا بيعانوا منذ زمن طويل من سوء المعاملة والتعذيب والقتل.. الكثير من الناس مابيهتموش بالمرضى النفسيين ودايما بيوصفوهم علي انهم  مجانين علشان كده في كتير بيستخدموا المرضي كفئران للتجارب او تعذيبهم وده اللى صوره لينا المتحف

فكرة المتحف بترجع لجورج جلور وعامل فيها محاكاه للادوات اللى استخدمت في علاج المرضي النفسيين.

وهي فالحقيقه مجموعه مخيفه جدا من ادوات التعذيب مكان المتحف كان مستشفي للامراض العقليه افتتح سنه 1967

وكان مشهور بجنون المشرفين وقسوتهم علي المرضي وكانوا بيستخدموا ابشع طرق للعلاج والتعذيب لاخضاع اي مريض .

فمثلا كانوا بيستخدموا مسامير دبابيس ابر حاده ، لدرجة انهم كانوا بجبروا والمرضي علي عدم النوم ويرموا عليهم ماء بارد جدا .

ويخلوهم يجروا علي عجلات مدورة زي الفيران ، جوا المتحف هتسمع تسجيلات حقيقة لاصوات تعذيب المرضي

4- متحف أدوات تعذيب العصور الوسطى

متحف تعذيب العصور الوسطي

في المكان ده هترجع للعصور المظلمة في اوروبا ، في الوقت ده اوروبا ماكنتش المكان الجميل زي دلوقتى .

لان الفترة الزمنيه دي كان فترة فساد وظلم ، واكتر شيء بشع فيها هو طرق التعذيب كانوا بيستخدوا كل طرق التعذيب ويبتكروا طرق جديدة بكافة الأنواع . 

هندخل المتحف في امستردام واول ماندخل هانشوف "كرسي الاستجواب" 
كان بيتم نزع ملابس المتهم ويقعدوه علي كرسي مليان ابر حاده ومسامير ومع كل حركة للمتهم كان بيتم طعنه علي طول . 

كرسي الاستجواب

هندخل بعد كده علي "التابوت الحديدي"

التابوت الحديدي

التابوت ده كان وسيلة اعدام مؤلمة جدا وشاقه للغاية كان بيتم وضع المحكومة علي بالاعدام جواه وبيكون مليان شفرات حاده جدا وبيتم تعذيب المحكومة عليه لحد مايموت متقطع .

هنشوف كمان "شوكة الزنديق"

شوكة الزنديق

الاداه دي بتحتوي علي اربع اطراق حاده جدا بيتم حشرها في الدقن والصدر فابتشل حركة الشخص ومايقدرش حتي انه ينظر للاسفل ابدا . 

وهانشوف حاجه اسمها  "الخيول الرباعية"

الخيول الرباعيه دي كان بيتم ربط المذنب من ايديه ورجليه باربع خيول اول مالخيول تجري بيتم تقطيع المتهم بطريقه بشعه 

هنشوف كمان "القفص المعلق"

القفص المعلق

 

كان بيدخلوا المذنب في القفص ويتعلق فيه وفالشتا كانوا بيرشوا المياه الباردة علي لحد مايتجمد ويموت.

اما في الصيف فكان بيتعلق فيه ويسيبوه في الشمس من غير مايشرب لحد مايموت  

يتم إدخال المذنب في قفص يلف حول جسمه في فصل الشتاء ويتم رشه بالماء البارد عدة مرات حتى يتجمد ويموت.
توجد الكثير من طرق التعذيب المتوحشة الاخرى ولكن نكتفي بهذا القدر .

هنسافر سوا علي ايطاليا عشان نزور سوا " متحف المقبرة"

5 - متحف المقبرة

متحف المقبرة

تخيل أن تدخل مكان مليان بناس كانوا بينتظرا وصولك.. الأطفال الصغار بيستقبلوك عند الباب وتلاقي معظم النساء لابسه فساتين طراز قديم والرجالة واقفين جنب بعض في صف واحداً ولكنك مش هتقدر تتكلم معاهم لأنهم أموات من مختلف الاعمار والاجناس المتحف بيضم الآلاف الموتى الحقيقين من الطبقة الثرية بأفواههم المفتوحة وأعينهم المقتلعة .

 

سكان المتحف هما ناس عاشو بين القرنين الـ17 - 19 وتقول الأسطورة الإيطالية أن الكونت ديك ونيلا بنى المقبرة تخليداً لزوجته الراحلة وطفله بعدما تسبب مرض الملاريا بوفاتهما ويقال بأن الناس إتبعوا خطاه فحنطوا موتاهم وأصبح هذا المتحف معروف الأن حيث يستقطب الناس لزيارة الموتى.

6 - متحف لومبروزو

كان لمبروسو طبيب إيطالي مهووس.. مرة سيطرت عليه فكرة أن هناك علاقة بين حجم جمجمة الإنسان وميوله الإجرامية، فقام بتشريح عدد هائل من الجماجم البشرية منها جماجم مجرمين حقيقين وجنود وغيرهم

اول مابتدخل المتحف هتلاقي غرف متلاصقه ومليانه بالجماجم وعلي الجانب التاني بيعرض المتحف الادوات اللى استخدمها الدكتور بالتشريح .

راس لومبروزو

ومش بس كده انت هتلاقي كمان راس الطبيب لومبروزو موضوعه في اناء داخل وعائ زجاجي

7- متحف موتر

متحف موتر

يفضل الكثير تسميته بالمتحف الطبي حيث يحتوي المتحف على أجنة حقيقية مشوهة وعينات طبية شاذة، وحالات توائم ملتصقة الهدف من المتحف تعليمي وطبي بنفس الوقت لكنه مازال بيجلب الرعب لناس كتير خاصة عند مشاهدة أجنة الأطفال المخزنة بالزجاجات. 

8 - متحف المومياوات

متحف المومياوات

كتيره الأوبئة التي حصدت أرواح البشر عبر التاريخ ومنها الكوليرا اللى اتسببت في موت الملايين من الناس , ومن اكتر الدول اللى عانت من وباء الكوليرا هي المكسيك ، وراح ضحيتها اعداد لاتعد ولا تحصي من الضحايا

وفمتحف الموميات الضحايا هتقابلك بنفسها لانها جثثهم مازالت محفوظة .

متحف مومياوات الكوليرا

بتبدأ حكاية المتحف لما وباء الكوليرا بدأ ينتشر في المكسيك بشكل مخيف والوفيات بدأت تزيد لدرجة ان المدافن مابقتش تقدر تستوعب جثث تاني فلجأت الحكومة لقرار صعب وجنوني .

وهو ان كل عائله يتوفي عندها شخص يجب ان تدفع مبلغ من المال لثلاث سنوات متتاليه للحكومة وان لم تفعل فأنه سيتم نبش قبر الميت واخراج جثته للعراء .

متحف مومياوات الكوليرا

وفنفس عام اصدار القرار قررت الحكومة نبش قبر شخص اسمه روميجو لوري لان اسرته مادفعتش الرسوم اللى قررتها الحكومة .

ولما تم اخراج الجثه لاحظ المسؤولين ان الجثه كانت في حاله جيده على الرغم من مرور وقت على دفنها .

واستمر الحال علي كده كل ما اسرة تتأخر في دفع رسوم الميت بتاعهم تروح السلطات تاخد الميت وتخزنه عندها لحد ماجمعوا كل الموتي المخزنين وانشأوا متحف ووضعوهم فيه لدرجة ان المتحف يضم المومياء أشخاص من مختلف الأعمار .

الامر المخيف مش هنا بس لكن منظر الجثث اللى معظمها مشوه بطريقه غريبه وكأن المرض كان ولايزال بيفتك بيهم حتي بعد موتهم .
كمان كتير من الجثث افواهها مفتوحه وكأنها بتصرخ واللى تم الكشف عنها ان المومياوات دي بترجع لاشخاص دفنوا احياء .

متحف مومياوات الكوليرا

كما أن العديد من الجثث أفواهها مفتوحة وكأنها تصرخ والتي تم الكشف فيما بعد أن هذه المومياوات هي لأشخاص دفنوا أحياء.

معظم الموتى في المتحف لسه شعرهم بحالة جيدة والحواجب موجوده وتقدر تشوفها .

متحف مومياوات الكوليرا 

وكلهم مدفونين بالملابس اللي ماتوا بيها.. كمان في المتحف موجود أصغر مومياء في العالم وهو جنين بجانب أمه.

متحف مومياوات الكوليرا

وهنا بنكون خلصنا جولتنا في متاحف الرعب حول العالم .