"عروض المسوخ" : ( السيرك اللاآدمي )

 

إعداد وكتابة : أحمد مصطفي

في أواسط القرن الـ16 اصبحت عروض المسوخ من وسائل الترفيه الشائعة في الوقت ده كان بيتم التعامل مع التشوهات الخليقه علي انها مصدر جذب وترفيه

كانت العروض دي  بتضم أشخاص  غير طبيعين نتيجه تشوهات خلقية،

 زي شخص بالغ الضخامة والطول او قزم او مصاب بامراض او توائم ملتصقه او اشخاص بتجمع بين  الصفات الذكوريه والانثويه

كان الاشخاص دول بيقدموا عروض ترفييه لاضحاك الجماهير ، فالبداية كانت العروض دي بتتعمل في قصور الملوك والامراء للترفيه عنهم .

لكن بعدين بقيت تتعمل في الساحات العامة والاسواق للجمهور العادي وفي الاخر بقت تتعمل في السرك والمسارح .

سيرك وعروض المسوخ 

طبعا بمنظور عصرنا الحديث فالعروض دي تتنافي مع مفهوم الانسانيه ، لكن زمان كان امر عادي وخصوصا لان مجالات الترفيه كانت قليله جدا .

كمان الناس كانت بتنتظر عشان تشوف كل شيء غريب .

بعض الاشخاص اللى اشتغلوا في السيرك كان بمزاجهم عشان يكسبوا لقمة العيش ، لكن في منهم اللى تم  اجبارهم  علي العمل ده لانهم كان عبيد واشتروهم ، وكانوا بيتعاملوا معامله سيئه جدا.

والنهاردة هنتكلم عن اللى كان يطلق عليهم في زمانهم المسوخ ، اللى كانوا نجوم في وقتهم .

وهنبدأ نتكلم عنهم النهاردة .

تشارلز شيروود

المولد 4 يناير 1838

الوفاة 15 يوليو 1883

كان ملقب بالجنرال عقلة الاصبع

تشارلز شيروود

تشارلز اتولد طفل طبيعي، واخواته كلهم طبيعين ، لكن بعمر 6اشهور اتوقف عن النمو لسبب غير معروف ، وخلال حياته كلها لم ينمو سوى بضعة سنتمترات ، حيث وصل طوله 86 سم.

بسبب قصر قامته عانى في طفولته، ماكنش عنده أي خيار لكسب المال سوى أن يدخل لباب الجحيم،و وكان عشان يكون صداقة ويكون قريب من أشخاص مشابهين ليه في المعاناة وماينظروش ليه نظرة استغراب و سخرية .

وبالفعل اشتعل في السيرك وهو عمره خمس سنين وكان موهوب جدا بالغنا والرقص والتمثيل والعروض الكوميديه ، ده خلي الناس كلها تحبه .

وبعد فترة اتعرف علي بنت مريضه بنفس مرضه وحبها واتجوزوا واشتغلوا سوا في العروض .

كان حفل زفافهم حدث اتكلم عنه كل الناس وكان اغلب المدعويين اقزام لدرجه ان الوصيفه والوصيف كان قزم .

تشارلز شيروود وزوجته

مع الوقت تشارلز بقي شديد الصراء وبقي صديق لشخصيات ذات نفوذ زي الرئيس ابراهام لنكولن اللى استقبله في مكاته .

وفعمر ال45 سنه اتوفي تشارلز القزم الامريكي الشهير نتيجه سكته دماغيه ، جنازته حضر فيها 20 الف شخص وده كان رقم كبير في الوقت ده .

ايلا هاربر

اللقب فتاة الجمل

المولد 5 يناير1870

الوفاة 19 ديسمبر 1921

ايلا هاربر

اتولدت ايلا بمرض نادر جدا في العظام خلي ركبتها تنحني للخلف ، اللى خلاها تمشي علي ايديها ورجلها

اشتغلت ايلا في السيرك سنه 1882 وخدت شهره كبير وبقت صورتها تتصدر الصحف والمجلات

بعد اربع سنين قررت تستقيل من الشغل في السيرك ده بعد ماجمعت ثروة ، كانت بتكسب 200 دولار في الاسبوع يعني بما يعادل 5000 دولار دلوقت .

وكان سبب استقالتها انها عايزه تدخل المدرسة ، رجعت ايلا لمسقط راسها واتجوزت من مدرس اسمه روبرت

وبعد سنه خلفت طفله لكنها بعد شهر ماتت ، قررت ايلا انها تتبني طفله لكنها الطفلة ماتت بعد تلات شهور .

سنه 1921 ماتت ايلا بعد اصابتها بمرض سرطان القولون.

فيدور جيفوتشو
اللقب جوجو وجه الكلب
المولد 1868
الوفاة 1904

فيدور جيفويتشو

اتولد جوجو في روسيا ، وكان مصابا بمتلازمة المستذئب ، المرض ده كان عبارة عن نمو غير طبيعي ومفرط لشعر الجسم .

وفالبدايه اشتغل هو وابوه سوا لانه ابوه كان عنده نفس المرض ، لكن بعد فتره جابوه في امريكا .

مدير السيرك اختلق قصه عشان يثير الجمهور ، وزعم ان الصيادين قبضوا عليه هو وابوه في كهف في الغابة .

وانه متوحش واول مابيغضب بيفضل ينبح ويعوي ، وبقي ده العرض اللي بيقدمه

اتوفي جوجو في اليونان سنه 1904 بسبب الالتهاب الرئوي.

فيدور جيفوتشو

جوليا باسترانا
اللقب ذات الشعر واللحية
المولد 1834
الوفاة 1860

جوليا باسترانا

جوليا بنت مكسيكيه من اصل هندي كانت بتعاني من فرض الشعر الخلقي ، لدرجه ان وشها كله كانت متغطي بالشهر الاسود الكثيف .

وكانت ودنها كبيرة جدا وبوئا كان بارز واسنانها غير منتظمه ، مدير السيرك طلع اشاعه انها من الهنود الحمر وان كل اسرتها يشبهوا القرود وانهم عايشين في كهف .

لكن الحقيقة انها كانت بنت عاديه جدا تعاني من مرض فرط الشعر، كان السكان المحليين مسمينها البنت الذئب

وكانت عايشه مع امها وبعد اموت امها خدها عمها وباعها لشخص اسمه تيدور ، تيدور علمها الغنا والرقص وعملها تلات لغات عشان يقدر يستغلها بشكل اكبر .

ولف بيها العالم في جولات استعراضيه حققت نجاح ساحق ، بقت جوليا عبارة عن الفرخه اللى بتبيض كل يوم بيضه دهب لتيدور .

وبقت مشهورة جدا وخاف انها تسيبه فقرر يتجوزها ، وبعد فترة ولدت طفل عنده نفس المرض اللى عندها عاش تلات ايام ومات ، وجوليا نفسها ماتت بسبب مضاعفات الولاده .

لما ماتت جوليا جوزها رفض يدفنها لكنه باع جثه زوجته وابنه  لعالم روسي قام بتحنيطها

وبعدين اشتراهم تاني وقام بعرضهم للجمهور مقابل المال .

جوليا باسترانا وابنتها 

بعد فترة تزوج تيدور من مرأة أخرى مماثلة السمات، و اسمها زينورا باسترانا، لكن طمعه انتهى به الى مصحة عقلية سنه 1884 ومات فيها.

لعشرات السنين انتقلت مومياء جوليا وابنها من مكان لمكان  ما بين سيرك ومعرض ومتحف ، وتعرضت مومياء الابن للسرقة واتدمرت ، أما مومياء جوليا فتم اخفائها بعد حصول اعتراضات شديدة على عرضها في السويد من خلال جمعيات حقوق البشر ، وفسنه 1979 اتسرقت الجثة مرة تانيه لكن تم استعادتها وتم حفظها في معهد الطب الشرعي بأوسلو.

قبر جوليا باسترانا

في فبراير 2013 تم اعادة جثمان جوليا لموطنها الأصلي المكسيك بعد 150 عام من العذاب وتم دفنها في مراسم رسمية عشان ترقد بسلام اخيرا.

جوزيف ميريك
اللقب الرجل الفيل
المولد 5 أغسطس 1862
الوفاة 11 أبريل 1890

جوزيف ميريك

كان طفل طبيعي لأبوين طبيعيين، لكن بعمر السنتين بدأت تظهر عليه أثار تشوهات ونتواءت في الجسم ، الوجه الرقبة و تضخم الفم و الشفه و اللسان، فكان من الصعب عليه الكلام.
كان الاطفال بيتنمروا عليه ويرموه بالحجارة ، وطلعوا اشاعه ان شخص مشوه اعتدي علي امه في السيرك وحملت منه .

كان ملجأه الامن هو حضن امه اللى كانت بتواسيه وتحاول تخفف عنه الامه ، لكن لما بلغ 11 سنه ماتت امه وبقي وحيد مع اب دايما سكران .

بعد فترة اتجوز الاب وكانت زوجته بتكره الطفل فطردته من البيت ، وبقي وحيد في الشارع لحد ماتم وضعه في مأوي للمشردين .

بعد فترة هرب من الملجأ ورجع الشارع بسبب سوء المعالمة ، شافه صاحب سيرك فاخده وحطه في قص عشان الناس تشوفه .

واثناء العرض كانت الناس بترميه بالطماطم الفاسده واحيانا بالحجارة ، وكانوا بينادوه بالمسخ .

في الوقت ده الشرطه الغت العرض ده فصاحب السيرك طرده في الشارع ، في الشارع شافه طبيب اسمه ترافيس اتعاطف معاه وقرر يساعده .

جوزيف ميريك وهو طفل

ولما وصلت قصته للملكة فيكتوريا ادت الطبيب ترافيس كل الصلاحيات لايواء جوزيف وتوفيرله كل سبل الراحه ، ونقلوه لمستشفي وفي المستشفي تحت الرعاية حس بأن روحه رجعتله فاتعلم الكتابه والقراية في وقت كانت الاميه هي السائده في بريطانيا ، وبقي يقرا ويحلل روايات شكسبير وبقي يكتب الشعر والروايات ويعمل مجسمات هندسيه .

لكن حياته دي ماطولتش دخلوا عليه في يوم لاقوه ميت ، بسبب كبر دماغه ماكنش بيعرف ينام غير علي جنبه ، ولما نام علي ضهره اتخنق ومات وهو في سن الاربعين  .

مات الرجل الفيل وهو وحيد وكان متعطش للحب والعشق ، لدرجه انه اتمني يحب واحده تكون كيفيه عشان تسمعه من غير ماتشوفه لانها لو شافته هتشعر بالفزع من شكله .

لكن مات بدون ماتتحقق امنيته .

جمجمة جوزيف ميريك

شليتزي
اللقب الرأس الدبوس
المولد 10 سبتمبر 1901
الوفاة 24 سبتمبر 1971

شيلتزي

اتولد شيلزي بإضطراب في النمو أو مايسمى متلازمة سيكل ،  اللى بتسبب صغر في حجم الدماغ و الجمجمة بشكل غير طبيعي ، فكان راجل بعقل طفل عنده تلات سنين .

المعلومات حول اسمه الحقيقي ومكان ميلاد وهويه والديه كانت متضاربه ، محدش كان يعرف اصوله بسبب انه كان بيتنقل من سيرك لسرك .

طوله كان 120 سنه وذكائه كان ذكاء طفل تلات سنين وماكنش بيقدر علي رعايه نفسه وماكنش بيقدر يتكلم غير الكلمات البسيطة .

شيلتزي

تم استغلال شليتزي في العروض دون الاهتمام لمشاعره، فكانوا بيقدموه  بملابس بنات ، وكان شخص محبوب، كان بيحب الرقص و الغناء، وكانت عنده  قدرة رهيبه على التقليد .

تم استغلال مظهره عن طريق صناع السينما مع مجموعة من مشاهير السيرك الغير آدمي ، في فلم سيء السمعة بعنوان المسوخ او  Freaks، وبعد فترة اتمنع  من العرض .

شيلتزي

بدأ يظهر في عدة أدوار صغيرة في السينما واللى ماستغلوش فيها مواهبه بل استغلوا فيها مرضه من اجل الترفيه عن .

ميني وولسي
اللقب كوكو الفتاة الطائر
المولد 1880
الوفاة1960

ميني وولسي

ولدت ميني بمتلازمة سيكل، كانت بتعاني  من قصر القامة وصغر حجم الرأس و الوجه ، كانت أنفها طويل يشبه المنقار، وعينيها كبيرة  بشكل مايل  وفكها  متراجع ومفهوش اي  أسنان، ودان كبيره ، وكانت صلعاء وتعاني من اعاقة ذهنية بسيطة وضعف في النظر .

ميني وولسي

ميني كانت طفلة يتيمة عاشت في أحد ملاجئ أوروبا لحد ماجه راجل واتبناها ، اتبناها مش عشان الانسانية لا عشان  يستغل إعاقتها في كسب المال .
كانت بنت خجوله جدا ولما لقت الاهتمام بقت من مشاهير السيرك ، وبرضه ماسلمتش من صناع السينيما وخدوها عشان تشارك في فيلم المسوخ .  

وبعد صراع طويل مع الحياة القاسيه ، وسنين قضتها في رسم البهجه علي وجوه الناس علي حساب حياتها كأنسانه .

ماتت ميني في حادث سيارة عشان ترحل لعالم اجمل ، عالم مفيهوش اي استغلال او تنمر 

وفي الختام ...

احب اقول ان الأشخاص اللى بيعانوا من تشوهات خلقية  مختاروش انهم  يكونوا أصحاب عاهات ده كان  قدرهم .

حتى لو الانسان يعاني من تشوه أو عيب خلقي فهو اكيد عنده مشاعر وله الحق انه يعيش زي باقي البشر .

فياريت تكون حنين وطيب مع اصحاب المهم او اي شخص عنده تشوه ، لان قلوبهم نقيه وارواحهم جميلة ، العب معاهم اضحك في وشهم وماتشمتش فيهم علي شيء ماختاروهوش

ولما تشوفهم احمد ربنا انه خلقك سوي وادعيلهم بالشفا .  "أحمد مصطفي"