اربيرت هايم .. "طبيب الموت"

 

اربيرت هايم

طبيب نازي استمتع بحقن "اليهود" بالبنزين ، واستئصال اعضائهم بدون تخدير .

هرب لمصر بعد سقوط النازية ، وارهق اسرائيل في البحث عنه.

اربيرت هايم .. "طبيب الموت"

إعداد وكتابة : أحمد مصطفي

اربيرت هايم .. "طبيب الموت" :

اتولد اربيرت هايم او زي ما اطلق علي اليهود "طبيب الموت" سنه 1947 في "النمسا"

رحلته كشفها الصحفيان الامريكيان نيكولاس كوليش و سعاد مخنينت في كتابهم "النازي الخالد من "ماوتهازون الى القاهرة"

هايم انضم لضباط "waffen SS"  في نظام "ادولف هتلر" وكان بيستمتع جدا ب "حرق جثث اليهود" في "معسكرات الاعتقال" ، واشتهر باهدائه لجماجم "اليهود" لاصدقائه او يعرضها كتذكار ليه .

افران الغاز "الهولوكوست"

بعد "الحرب العالمية الثانية" اتقبض علي من الامريكان لكنهم اطلقوا سراحه قبل مايكتشفوا كمية الجرائم اللى عملها ، علشان تبدأ رحلة محاولة القبض عليه لمدة 20 سنه .

سنه 1963 اكتشفت السلطات الالمانية انه مستخبي في مدينة اسمها "بادن بادن" ، لمن المفاجئة انها قدر يهرب منهم ، عشان بعدها تعرض مكافئه 400 الف دولار لاي حد هيساعد في القبض علي "اربيرت هايم" او "طبيب الموت" .

اربيرت هايم

رحلة "طبيب الموت" بدأت من "فرنسا" و اسبانيا و المغرب و انتهت في "مصر" سنه 1963 ، هنا في مصر عاش تحت اسم "طارق حسين فريد" وكانت شهرته "عم طارق" ، لدرجة ان في اقوال بتقول انه اعتنق الاسلام وده لانه كان دايما شايل مصحف وكان بيتردد بصفة مستمرة علي "حلقات الذكر" ، في الفترة دي مصر كانت مليانة بـ "الجواسيس النازيين" ، لكن اتصالهم مع "اربيرت هايم" كانت قليلة جدا ، وده لانه كان ذكي جدا في تنكره والتخفي عن العيون ، لدرجة ان بعض زمايله "النازيين" ماتعرفوش عليه في اول لقاء بينهم .

البطاقة الشخصية المصرية لاربيرت هايم

اربيرت هايم في مصر

اتوفي "اربيرت هايم" او "طبيب الموت" سنه 1992 بعد معاناته من مرض السرطان ، وفتحقيق اجرته "محطة الاذاعة الالمانية ZDF" ان "اربيرت هايم" اتدفن في مقابر الصدقة في القاهرة ، وانه تم اكتشاف هويته الحقيقية بعد وفاته ، وده بعد العثور علي اكتر من 100 وثيقة شخصية كانت مع اسرته دايما ، وكشفت مذكراته انه كانت دايما بيشتكي من الاضطهاد من الالمان  بدل تكريمه من "الحكومة الالمانية" لانه شايف من وجهه نظره انه كان بطل ويستحق التكريم .

المنزل الذي كان يعيش فيه اربيرت هايم في مصر