"كاليجولا" الامبراطور الطاغية

 

إعداد وكتابة: أحمد مصطفي

امبراطور نصب نفسه اله , وخلي حصانه عضو في مجلس الشيوخ , واتجوز اخته وخلي شعبه يعبدها , واعلن الحرب علي اله البحر , وقرر يصطاد القمر

ده مش فيلم سينيمائي ولا قصة من وحي الخيال لا  ده "كاليجولا" اشهر الحكام واكثرهم جنونا

والنهاردة هنتكلم عن واحد من اشهر الحكام الاستبدادين واشهرهم جنونا وهو

           "كاليجولا"

كاليجولا

اسمه الحقيقي جايوس يوليوس قيصر ابوه هو الامبراطور جيرمانيكوس وجده الامبراطور يوليوس قيصر وابن اخوه هو الامبراطور المجنون نيرون اللى حرق روما يعني من الاخر كده هي عيلة مجنونة كلها.

لما اتولد كاليجولا كان حكم جده الامبراطور اوغسطس وصل لنهايته لان صحته كانت اتدهورت وبدأ وقتها يجهز وريث العرش وعين الامبراطور تايبريوس ولي عهد ليه.

الامبراطور اوغسطس

وتايبريوس ماكنش محبوب علشان كده الامبراطور اوغسطس حط شرط ان لو الشعب رفضه يتنازل عن الحكم لجوز بنته القائد جيرمانيكوس . 

تيبريوس

سنه 14 ميلاديا مات الامبراوطور اوغسطس وبقي تيبريوس هو الامبراطور راح بعت جيرمانيكوس لمقاطعات روما عشان يقوم بمهام دبلوماسيه ومنها يبعده عن روما

وهناك جيرمانيكوس جاله مرض ومات وظهرت بعدها اشاعات ان تيبريوس هو سبب موت جيرمانيكوس عشان يبعده عن طريقه وقتها مرات جيرمانيكوس وام كاليجولا حملت تيبريوس موت جوزها وقررت الانتقام منه

فسجنها تيبريوس في سجن في جزيرة نائيه وقام بتجويعها لغاية وماتت مش يسكت بقي تيبريوس لا ده سجن اخو كاليجولا الكبير وانتحر جوا سجنه وسجن اخوه التاني اللى  مات من الجوع 

هنا كاليجولا راح يعيش مع جدته ليفيا زوجه الامبراطور اوغسطس وعاش معاها هو واخته دروسيلا

ليفيا جدة كاليجولا

وفسنه 31 ميلادي تيبريوس بعت ليكاليجولا عشان يعيش معاه لانه كان خايف من ان كاليجوا يزاحمه علي الحكم

وقتها كاليجوا كان متضايق جدا بس سيطر علي غضبه واظهر الاحترام وبقي يشوف جرايم القتل اللي بيقوم بيها تيبيرويس وده سببله خلل نفسي لدرجة انه بقي سعيد بمشاهد الاعدامات والقنل بعدها بست سنين مات يبيريوس

تنصيب كاليجولا امبراطور علي روما 

 

ومجلس الشيوخ نصب كاليجولا اللي عنده وقتها 24 سنه  امبراطور  فبداية حكمه قام باصلاحات كتير جدا زي الغاء الضرائب اللى كان فارضها تايبيروس وعفا عن كل السجنا السياسين

لكن زي ماقال عمنا ايهاب توفيق الايام الحلوة بتعدي فثواني بعد ست شهور اصيب كاليجولا وكان بين الحياة والموت لمدة شهر كامل واصيب برضه بوجع شديد في راسه ماكنش بيخليه ينام يعني كان عايش في عذاب

بداية جنون "كاليجولا"

 

وطبعا حاجه زي كده ماينفعش الوزراء والمسؤولين يعدوها كده بالساهل كل واحد بقي يروح يزور كاليجولا ويفضل يعيط ويتشحتف واحد يقول انا مستعد اتنازل عن كل ثروتي في سبيل ان الامبراطور يخف ويرجع زي الاول وواحد تاني يقول انا ممكن اضحي بنفسي في سبيل حياة الامبراطور طويل العمر يطول عمره ويزهزه عصره وينصره علي مين يعاديه وواحد تالت يقول انا ممكن اتخلي عن ابنائي بس اشوف نور عنينا قاملنا بالسلامة

وفعلا كاليجولا تم شفائه لكن فجأة اتغيرت طباع كاليجولا بدأ يتباهي بسلطته ويستخدمها في القضاء علي كل خصومه السياسين لدرجة انه كان بيعدم ابناء المسؤولين وبقي يجبرهم انهم يشوفوا لحظة اعدام اولادهم وجاب السؤول اللى قال انه مستعد يتنازل عن ثروته واجبره انه يتنازل عن ثروته لان الالهه قومته من مرضه وجاب اللى قال انه مستعد يضحي بحياته لمجرد انه يشوف كاليجولا واقف تاني وسطهم واجبره انه ينتحر 

 و فجأة بدون سبب قتل مراته ومن كتر حبه في اخته دروسيلا اتجوزها مش بس كده لا ده نصبها الاهه وامر الشعب انه يعبدها كمان

دورسيلا اخت كاليجولا

 اخته كانت مجنونة زيه بالظبط كان بتعمل حفلات وتخرج علي المعازيم عريانه وتتباهي بكده من كتر الجنان كاليجولا نصب نفسه اله وامر الناس تعبده هو كمان.

ومن اغرب الحاجات اللى عملها انه دخل مجلس الشيوخ علي ضهر الحصان المفضل تانتوس ودي حاجه ازعجت احد اعضاء مجلس الشيوخ

  وكان رد "كاليجولا" عليه ان تانتوس دايما شايله علي ضهر ووفي ليه وراحت طلعت فدماغه انه عين الحصان عضو مجلس للشيوخ وعمل حفلة بمناسبة تعيين حصانه

  وحضر الوزراء والمسؤولين كلهم وراحوا بالهدايا للحصان ويقولوا انه قرار كويس جدا وانه كفء طبعا للمنصب اصل التطبيل للحاكم ده موجود من قديم الازل مش حاجه حصريه عندنا احنا بس

 وطبعا ماينفعش حفلة من غير عشا وكان كاليجولا عاملهم وليمه رهيبه ولما جه وقت الاكل كشف الوزرا عن الاكل طلع تبن وقش واجبرهم انهم ياكلوه اثبات للوفاء لحصانه.

ومرة من كتر الزهق طلعت فدماغه مرة راح امر المهندسين بتوعه يبنوله جسر للسما عشان يناقش الالهه في امور مهمة بصفته اله هو كمان.

ومن كتر جنانه  امر جنود انهم يصطادوا القمر وخرج الجيش طول الليل يجروا ورا القمر عشان يصطادوه

اعلان الحرب علي بوسيدون اله البحار 

ومرة تالته قرر انه يحارب بوسيدون اله البحار وامر كل جنوده انهم يصطادوا كل الاسماك واللؤلؤ وبالفعل خلي جيشه ينزل البحر ووقتها مات اكتر من تلتين جيشه غريق

وصحي من النوم زهقان قرر انه يقفل علي كل مخازن الغلال عشان يشوف الشعب وهو بيموت وقال جملته الشهيرة "سأكون بديلًا لكم عن الطاعون" كل ده خلي الشعب يثور لكن مش قادرين يعملوا حاجه

وكان معروف عن كاليجولا انه بيكره اي حد اقرع ويفضل يتنمر عليهم ويهينهم واحيانا كان بيقتلهم وده من حسن حظي اني ماكنش موجود في الزمن ده

نهاية "كاليجولا" 

نهياته كانت مجنونة زيه برضه كان سكران طينه  كان وراح اهان تلاته من الحرس بتوعه ووصفهم انهم شبه الستات فقرروا انهم يغتالوه وقتلوه ورموه في بير وهو بعمر 28 سنه 

موته خلي اعضاء مجلس الشيوخ يؤمروا بتدمير كل تماثيله وقتلوا اخته المجنونة اللى اتجوزها علي امل انهم يمسحوا اي ذكري ليه من الوجود في التاريخ بعد ما حكم لمدة 3 سنين و 10 شهور و 6 ايام 

عشان تنتهي حقبة واحد من اكتر الملوك جنونا واستبداد وطغان علي مر التاريخ .