عقد موردوخ

 

عقد موردوخ

إعداد وكتابة : أحمد مصطفى

عقد موردوخ عندما تحالف النمرود مع الشيطان

كل المؤرخين اتفقوا علي ان قلاده موردوخ اللى قام بصناعتها هم كهنة الاله موردوخ في بلاد الرافدين , وكان مليان بالتعاويذ والطلاسم اللى محدش لاقلها اي تفسير , لكن بعض المؤرخين بيقولوا ان موردوخ هو نفسه الملك النمرود , الملك الجبار اللى حكم بلاد بابل وقتل ابوه وتحالف مع الشيطان وكفر , وفي المقابل منحه الشيطان قوى سحرية سيطر بيها علي بلاد الرافدين وتوسع في حكمه.

وبيقولوا ان من هنا جت اللعنة , لانهم شايفين ان العقد ملعون بقوى شيطانية شريرة , وبيرجحوا انها مصنوعة مخصوص لقتل الملوك , وده لتسهيل النمرود في انه يمتلك الاراضي وانه يقدر يسيطر عليها , مع تأكيدهم برضه انهم ماتوصلوش لديل قاطع للكلام ده

يلا بينا بقي نعرف قصة العقد الملعون ده ايه

عقد موردوخ

فخ الرومان لهارون الرشيد 

هارون الرشيد

اختفي عقد موردوخ لعقود لحد ما عثر الرومان عليه ، وقام واحد ملوكهم بإهداءه إلى الخليفة العباسي هارون الرشيد

وأغلب الظن أن الروم كانوا عارفين بأن العقد مشئوم او مسحور وعلشان كده  اهدوه إلى هارون على أمل أنهم  يتخلصوا منه بواسطة العقد لأنه كان حاربهم وهزمهم في معارك كثيرة.

لكن  الخليفة مالبسش العقد، واهداه إلى زوجته زبيدة، اللى زيها زي اي واحدة في الدنيا كانت بتحب المجوهرات جدا  ,لكن  هي كمان مالبستهوش ممكن بسبب الطلاسم اللي كانت  عليه، لكن هي احتفظت به في صندوق داخل خزائن مجوهراتها، وفضل محفوظ هناك لحد ما  مات الرشيد.

وبعد موت الرشيد انتقل العقد إلى أبنه الخليفه الأمين اللي اتفتن بجماله وفضل لابسه ، عشان يكون أول ضحايا العقد

 

إنها حياة الخليفة الأمين

بعد ما الامين لبس العقد بفترة قليلة تم قتله علي ايد يد طاهر ابن الحسين، خلال الفتنة بينه وبين أخوه المأمون، غشان يستولى طاهر على جميع ممتلكات الأمين وكان من ضمنها العقد الملعون .

وبعد ايام من قتل طاهر بن الحسين للامين مات مسموم وهو لابس العقد الملعون ده , وبعدين تم حفظ العقد في الخزاين بتاعت الدولة لفترة طويلة لحد ما جه الخليفة العباسي المستعصم , اللى اعجب بالعقد اوي وقرر انه ياخده ويحتفظ بيه ويلبسه , وفضل لابس العقد لحد ما اتقتل بطريقة بشعة جدا  علي ايد المغول بقيادة هولاكو وقتل معاه جميع افراد اسرته. 

انتهاء حياة عشيقة هولاكو 

هولاكو

وبطبيعة الحال استولى هولاكو على كل ممتلكات المستعصم، ومن بينها "العقد الملعون"، وطبعا ماكنش يعرف  سره، فأهداه إلى عشيقته فانسا التي كانت زوجة أحد قادة الجيش , اللى ابنهرت بطبيعة الحال وفرحت جدا  بالعقد ولبسته اول ما اهداها العقد , لكن اول ما ماجوزها شاف "عقد موردوخ: علي صدرها اتأكد انها علي علاقة بهولاكو فقتلها فورا ولبس هو العقد ولكنه مالبسهوش كتير لانه اتقتل علي ايد "المسلمين" في معركة "عين جالوت" بقيادة السلطان "قطز" اللى خد العقد ولبسه هو كمان .

اغتيال "سيف الدين قطز"

سيف الدين قطز

 وطبعا بعد ما "قطز" امتلك "قلادة موردوخ" اتقتل زي ما كلنا عارفين علي ايد "الظاهر بيبرس" وبالتالي اتنقلت اللعنة ليه هو كمان لانه لبس "عقد موردوخ" واتقتل هو كمان علي ايد مجموعة من اتباعه هو كمان .

وفضل "عقد موردوخ" محفوظ لحد ما جت "شجر الدر"وبقت ملكة مصر  وقررت تلبس "قلادة موردوخ" عشان تموت بعدها علي طول في قلب المغطس بالقباقيب وماتت وهي لابسه "عقد موردوخ"

بعد موت شجر الدر اختفت "قلادة مرودوخ" اللى كان علامة علي القتل والغدر في حياة الملوك والخلفاء لسنين كتيرة    

شجر الدر

لكن العقد ماختفاش كتير اوي لحد ما ظهر في فرنسا وتم اهدائه لملك "فرنسا" وقتها "لويس التاسع" اللى انبهر بيه ولبسه وبعد ما لبس "عقد موردوخ" اتدهورت حالته الصحية جدا ومات بالطاعون والعقد حوالين رقبته .

بعد موت "لويس التاسع" انتشر خبر اللعنة اللى بيسببها العقد لكل اللى يمتلكه ويرتديه , وفضل محفوظ في خزاين "العائلة الملكية الفرنسية" لمئات السنين لحد ماظهر مرة تانية في عقد "الملك لويس السادس عشر"  

الملكة "ماري انطوانيت" وعقد موردوخ

ماري انطوانيت

 كانت الملكة ماري انطوانيت زوجة لويس السادس عشر مش بتؤمن باللعنة الموجودة في "عقد موردوخ" وقررت انها تتحدي كل اللى حذرها وكان علي راسهم الساحر كالبسترو اللى نصحها واترجاها انها ماتلبسش العقد ده ولكنها وبكل شجاعة لبست العقد وفي نفس الوقت لبست في الحيط لانها ماكنتش تعرف انها هتجلب علي نفسها هي وعلي جوزها اسوأ نهاية ماكنتش تتوقعها.

وبعد أيام من ارتدائها العقد الملعون، قامت الثروة الفرنسية، واتقتلت "الملكة ماري انطوانيت" بعد ماتم قطع رقبتها بالمقصلة ، وذكر بعض المؤرخين الفرنسيين أنها قالت جملتها الشهيرة: " ياليتني تخلصت من هذا العقد الملعون وسمعت نصيحة الساحر كالبسترو" ."

 

وبعد كام سنه  أصبح نابليون بونابرت مسؤول على العقد وأهداه إلى لمراته ، واللي خافت من ارتداءه بعد علمها بقصة لعنته، وقررت الاحتفاظ  بيه بعيدً عن القصر الملكي .

"هتلر" و "عقد موردوخ"

صوورة لهيرمان جورينج منتحرا 

وفضل العقد محفوظ لحد ما قامت الحرب العالمية التانية وبعد احتلال المانيا لفرنسا , استولي هتلر علي كنوز فرنسا وكان من ضمنها العقد , واهداه الي  قائد جيوشه " هيرمان جورينج" , لكن بعد هزيمة المانيا في "الحرب العالمية الثانية" حمل "هتلر" قائد الجيش "هيرمان جورينج " اسباب الهزيمة و قرر "هتلر" سجن جورينج اللى انتحر في السجن وهو لابس "عقد موردوخ" 

ولما قامت الحرب العالمية الثانية واستيلاء هتلر على كنوز فرنسا، وأهدى العقد إلى قائد جيشه "جورينج"، والذي غضب عليه فيما بعد هزيمة ألمانيا وقرر سجنه فانتحر في السجن وهو يرتدي "قلادة مردوخ"

وبعد موت هيرمان جورينج واحد من الجنود اللى نقل جثمانه للمستشفي قام بسرقة العقد واتنقل العقد للولايات المتحدة الامريكية .

"جون كينيدي وعقد موردوخ"

صورة جون كينيدي قبل اغتيالة بلحظات

بعد ما اتنقل العقد لامريكا اتعرض في مزاد علني واشتراه الرئيس الامريكي "جون كينيدي"

  

"، وارتداه يوم اغتياله عام 1963م، ووثقت الصور الفوتوغرافية تلك اللحظة التي قتل فيها كينيدي مرتديًا العقد الملعون 

وكان كيندي آخر الملوك الذين حلت عليهم لعنة "قلادة مردوخ"، واختفى العقد بعدها بصورة غريبة ويعتقد أن هناك من قام بسرقته حين نقل جون كينيدي إلى المستشفى.

لحظة اغتيال جون كينيدي

ورغم اختفاء قلادة مردوخ في ظروف غامضة، وانتهاء اللعنات، عثر الباحثون على عقد آخر نسخة طبق الأصل من قلادة مردوخ، ولكنه لم يحتوي على أي نقوش وطلاسم، ويحفظ في المتحف العراقي، والبعض يرى أن اللعنة التي تم ذكرها في البداية كانت مرتبطة بعدد معين من القتلى تم اكتماله باغتيال جون كينيدي.

 

والبعض الآخر يرى أن التقاط صورة لكينيدي قبل اغتياله وهو يرتدي العقد وتوثيق لعناته عبر التاريخ أبطلت قوته السحرية ولكن كل تلك مجرد افتراضات لا يوجد لها إثبات علمي واحد، سوى ان كل تلك جرائم القتل او الانتحار كانت لها أسباب أخرى ملموسة أبرزها الطمع في الاستيلاء على الحكم.

سؤال المقال: هل فعلا تعتقدوا ان لعنة عقد موردوخ موجودة فعلا ولا كل دي خرافات تم تناقلها عبر السنين ؟