دولة فرسان مالطا
 |
| فرسان مالطا |
اعداد وكتابة : أحمد مصطفي
دولة مالهاش اي وجود علي الخريطة من غير شعب او ارض او حتي حدود
لكن ليها 3 اعلام رسمية وليها رئيس وكمان ليها دستور وبتعترف بيها الامم
المتحدة بيعترف بيها رسميا 98 دولة بينهم 16 دولة عربية واسلامية
وليها سفارات وتمثيل دبلوماسي رفيع المستوي وبتتمتع بحماية القانون الدولي
فرسان مالطا
"فرسان مالطا" التنظيم الاكتر غرابه في العالم
اسمهم "فرسان مالطا" او "نظام السيادة العسكري لمستشفي
القديس يوحنا الاورشليمي"
منظمة "كاثوليكية" "علمانية" بطبيعه عسكرية وهي
استمرارية لتنظيم "فرسان المعبد"
الافراد اللى بقي من تنظيم "فرسان المعبد" بعد ما قتلهم الملك
الفرنسي راحوا علي اسبانيا ومن اسبانيا راحوا علي "جزيرة مالطا" سنه
1530 ومنها خدوا اسمهم اللى معاهم لحد النهاردة اللى هو فرسان مالطا
ومن وقت ماوصلوا لمالطا اشتغلوا في القرصنة عشان يهددوا مصالح المسلمين
فكانوا بيقوموا بالغارات البحرية علي السواحل الليبية والتونسيه وكانوا بيغتنموا
ثروات ضخمة جدا من الغارات دي واتوسعت نشاطات التنظيم تحت حماية الدولة الرومانية
لحد ماجه "نابليون" وطردهم سنه 1798 وسابوا بصمات اثار معمارية
واجتماعية وثقافية فالجزيرة واتحول مقرهم الرئيسي الى "قصر مالطا" في "الفاتيكان"
وتم الاعتراف بيهم رسميا في "الفاتيكان" وبعض الدول الاوروبية في
تلاتينات القرن ال19 وهي فترة "الحروب الاهلية في اوروبا" وفي الفترة دي
ظهرت "منظمة كو كلوكس كلان" المتعصبه ودي منظمة سمعتها سيئه جدا ارتبط
بيها اعضاء تنظيم فرسان مالطا في امريكا واللى ربطهم ببعض علاقات مشتركة زي انهم
بيأدوا نفس الطقوس الاحتفالية وكان العناصر فيها بيلبسوا هدوم بيضا عليها "صليب
احمر" وبيلبسوا علي راسمهم اقنعه بيضا مابيظهرش منها غير العينين والانف
والفم بس
 |
| جماعة كو كلوكس كلان |
وكانوا بيولعوا مشاعل نارية وبرضه بيجمع التنظيمين "اضطهادهم ضد السود
والاسيويين" واي حد بشرته ملونة ده
طبعا غير "العنصرية" الشديد ضد "المسلمين"
ومن مبادئهم هو اشاعة "التطرف الديني" الاعمي والمطالبة بعودة
اصول "الدين المسيحي" وتحديدا المذهب الكاثوليكي
 |
| جماعة كو كلوكس كلان |
السؤال هنا بقي "فرسان مالطا" دولة ولا تنظيم
وعشان نجاوب علي السؤال ده لازم نعرف ان التنظيم اختفي منذ الحرب العالمية
الاولي ولكنهم رجعوا من جديد وبقوة شديدة جدا في التسعينيات وقت ما اعلنت الولايات
المتحدة خوض صراع سمته وقتها "صراع الحضارات" فادرجت اللى اسمته تنظيم "دولة فرسان مالطا" ضمن الاساليب التعبويه وده
كان اول اعتراف لدولة فرسان مالطا
وطالما حكومة فكان لازم يبقي ليها مقر
والمقر الرئيسي لحكومة "فرسان مالطا" موجود في العاصمة الايطالية "روما" ويحمل
اسم "مقر مالطا"
مقر فرسان مالطا
واعترف القانون الدولي بيها علي انها دولة ذات سيادة بموجب احكام القانون
الدولي ورغم انها مش دولة عادية ولا تمتلك مقومات الدولة اصلا لان لا ليها ارض ولا
حتي شعب ولا حتي حدود اقليمية لكنها بتتمتع بكل مزايا الدولة وممكن تكون اكتر من
دول ليها ارض وحدود وشعب وتاريخ وحضارة زي "فلسطين المحتلة"
فافرسان مالطا ليها حكومتها الخاصة وبتحمل صفة "مراقب دائم" في "المنظمات
الدولية" زي "منظمة الامم المتحدة" اه والله زي مابقولك كده الامم المتحدة
والحكومة دي بتمتلك 48 جمعية وطنية متوزعة علي خمس قارات
وكمان بتقوم باصدار جوازات سفر وليها طوابع معترف بيها دوليا وليها سفارات
كتير في العالم وعملتها اسمها السوكو
.jpg) |
| السوكو |
والحكومة ليها تلات اعلام مش علم واحد وكل علم ليه دلالته
العلم الاول هو العلم الرسمي عبارة عن ارضية مستطيلة حمرا وفنصها صليب لونه
ابيض
وتم استخدامه من عام 1130
 |
| علم فرسان مالطا رقم 1 |
والعلم التاني يخص الاعمال اللي بتقوم بيها حكومة فرسان مالطا بيترسم عليها
صليب بس شكله مختلف
.jpg) |
| علم فرسان مالطا |
العالم التالت بقي ده بقي العلم الملكي المخصص للسيد الاعظم بيترفع علي قصر
في روما او مقر اقامته
.jpg) |
| علم السيد الاعظم |
والسيد الاعظم وده اللقب اللى
بيحمله رئيس فرسان مالطا بيكون لقبه السيد الاعظم
وهو حاليا الامير البريطاني اندرو بيرتي المولود في لندن عام 1929 وبينحدر
من القبائل الانجلو سكسونية واتخرج من جامعة اوكسفورد وتخصص في التاريخ الحديث
للكنائس المسيحية
وخدم في الجيش البريطاني في الفترة ما بين 1948 ل 1950
وتم انتخابه للحكومة مدي الحياة سنه 1988 وهو اول بريطاني يقوم برئاسة
المنظمة وهو الرئيس ال 78 ليها وليه اربع معاونين من كبار المسؤولين
.jpg) |
| الامير اندرو بيرتي |
و 20 تانين من المسؤوليين وبيتعامل دوليا كرئيس دولة فابيتمتع بالصلاحيات
والحصانات الدبلوماسية اللى بيتمتع بيها الرؤوساء في العالم
اما ابرز اعضاء المنظمة علي سبيل المثال
بريسكوت بوش جد الرئيس الامريكي جورج بوش الاب
توني بلير رئيس وزراء بريطانيا السابق
تيد كينيدي اخو الرئيس الامريكي جون كينيدي
ودونالد روكفلر اللى هو اغني راجل في العالم كله
وغيرهم كتير من المسؤولين والدبلوماسيين من صانعي القرارات الدولية
والمتحكمين برسم السياسية العالمية في كوكب الارض
كمان بتضم المنظمة احدث واكبر واقوي جيش من المرتزقة في العالم كله
وتركيبة المنظمة دي انها بتثبت سعيها عشان تبسط سيطرتها ونفوذها في العالم
كله وده بينعكس في عملها بالخفاء والضل دايما فاهي بتدير شبكة منتشرة في كل العالم
الغريب بقي ان اقتصاد الدولة ودخلها بيعتمد علي بيع الطوابع الخاصة بيها
والتبرعات المفتوحة من كل العالم بحجة انشاء المستشفيات و "الاعمال الخيرية"
نيجي بقي لعلاقتها بالدول العربية والاسلامية
احب اقولك ان لمنظمة او حكومة فرسان مالطا سفارات وتمثيل دبلوماسي كامل في كتير من الدول العربية والاسلامية وتم افتتاح اول سفارة ليها سنه 2007 في الاردن وقتها سلم الشيخ وليد الخازن اوراق اعتماده لوزارة الخارجية الاردنيه كسفير فوق العادة ومفوض غير مقيم في الاردن لفرسان مالطا
 |
| مقر سفارة مالطا في الاردن |
وسفير فرسان مالطا في الاردن بيحمل صفة مستشار عسكري
.jpg) |
| الشيخ وليد الخازن |
اما اقدم سفارة ليها هي سفاراتها في مصر اللى تم افتتاحها سنه 1980
 |
| سفارة فرسان مالطا بالقاهرة |
وانتشرت سفارات فرسان مالطة في كتير من الدول العربية زي
( المغرب ولبنان والجزائر والسودان
والصومال وارتريا وموريتانيا وجزر القمر والعراق )
يقال ان عدد فرسان مالطا في العراق وصل سنه 2007 ل100 الف مقاتل مرتزق وقتها اعتمد الجيش الامريكي عليهم للحرب تحت رايته وده كان وفق عقد ابرتمه الحكومة الامريكية مع شركة "بلاك ووتر" وده عشان يقوموا بمهام قتالية خطرة وفنفس الوقت قذرة
 |
| بلاك ووتر |
وممثل فرسان مالطا في العراق هو "خالد محمود ولي"
.jpg) |
| خالد محمود ولي |
كمان يعتبر بشار الاسد عضو بارز في منظمة فرسان مالطا لدرجة انه تقلد وشاح
فرسان مالطا من سنه 2001
.jpg) |
| بشار الاسد يحصل علي وشاح فرسان مالطا |
نيجي هنا لنقطة هنتكلم فيها سيدي الفاضل ماخدتش بالك من التفاصيل وكل شيئ
بتقوم بيه فرسان مالطا يشبه لاى منظمة
منظمة الكل بيتكلم عنها وعارف انها ورا كل خراب في كوكب الارض نفس الطريقة
ونفس الاسلوب
ايواااااااااا هي الماسونية طيب
تعالي نعرف ايه علاقة "فرسان مالطا" ب "الماسونية" لو وقتك
يسمح طيب تمام هات بقي كوباية الشاي بتاعت وركز معايا
"الماسونية" و "فرسان مالطا" بيشتركوا في المنشأ
والجذور حيث يعتبر منظمة "فرسان المعبد" هو المنظمة الام للاتنين وده
بينعكس علي علاقة "فرسان مالطا" بـ "الماسونية" والسمة
المشتركة بينهم بينقسم في الدين والسياسة والاكاذيب والتعقيدات المظلمة فكلنا
عارفين ان "الماسونية" لغز غامض وقوة خفية من الصعب توضيح معالمها بدقة
وبيقتصر ناشطها بالدين والسياسة والحرب والتاريخ وهي عالم من الاسرار والاتهامات
وغابة من التعقيدات المبهمه اللى لو حاول شخص يفك شفرتها غالبا بينتهي انه بيكون
مفقود او مقتول
 |
| الماسونية |
فايبقي كده المنظمتين وجهان لعملة واحدة لانهم بيشتركوا في الاهداف
والاتجاهات ولو كانت بتختلف بالطرق والاساليب لكنهم بيتنافسوا علي استقطاب رؤوس
ورجال السياسة العالمية وبيتقاسموا اصحاب الرأي واقطاب السياسة فالعالم كله
لدرجة ان فيه سياسين بيكونوا عضو في المنظمتين في وقت واحد وده بيفسر عمق
العلاقة الروحية بين "فرسان مالطا" و "الماسونية" وغالبا
بيوصل اعضائها الي اعلي مراتب السلطة وصنع القرار في كل المجالات وهقولك علي ابرز
الاعضاء المشتركين في المنظمتين في نفس الوقت
وينستون تشرشل رئيس وزراء بريطانيا
.jpg) |
| تشرشل |
ورؤوساء امريكا " و "جورج واشنطن" و "فرانكلين
روزفلت" و "جورج بوش الاب" و "جورج بوش الابن" و
"بيل كلينتون"
و "هنري دونانت" "مؤسس الصليب الاحمر"
 |
| هنري دونانت |
فيه تساؤولات مشروعة كتير اوي مازالت اجابتها غامضة دايما بتطلع حول
المنظمة دي خصوصا وانها من وقت انشائها قدمت نفسها للعالم علي انها "منظمة
خيرية"
طيب ايه الغرض من التمثيل الدبلوماسي الواسع فكل العالم لمنظمة خيرية ؟؟
وايه المغزي من منح بعض السفراء وصف "مستشار عسكري" ؟؟
وهل فعلا تنتمني المنظمة دي للي بنسميه "حكومة العالم الخفية" ؟؟
التساؤولات والنقاشات دي بقت دايما تطرح علي مستوي العالم كله اللى بيعيش
قلق وخوف من تداعيات "الحكومات والتنظيمات السرية الخفية"
والخوف والقلق مابقاش بيقتصر علي "حكومات العالم العربي" لا دي
بقت بتمثل هاجس وقلق عالمي خصوصا بعد خروج احاديث ومعلومات عن ان تنيظم
"فرسان مالطا" هو اللى بيتحكم في اختيار وتصنيع رؤوساء الدول والحكومات
في العالم كله وان هي اللى بترسم البرامج والسياسات لكل الحكومات المتعاقبة
قبل ما اختم عايز اسألك سؤال
هل "فرسان مالطا" منظمة او دولة
طيب سمعت عتهم قبل كده ؟
اتمني اكون قدرت اوصل المعلومة بطريقة سهلة ومبسطة من غير تعقيد
لو عجبتك المقالة ياريت تقول احب اتكلم عن ايه في المقالة الجاية ان شاء
الله
.jpg)
تعليقات
إرسال تعليق